Zbulo të panjohurën

MPJ: Nuk jemi në dijeni që Agnesa Vuthaj po lobon për njohje nga Nigeria

Modelja shqiptare, Agnesa Vuthaj, përmes një statusi të gjatë në ‘Facebook’, ka bërë të ditur se është duke punuar fort për njohjen e Kosovës nga Nigeria, gjë që sipas saj nuk ka arritur ta bëj akoma asnjë Minister i Punëve të Jashtme, Kryeministër a President.

E për këtë përpjekje të saj, Insajderi ka kontaktuar me Jetlir Zyberaj, këshilltari i ministrit në largim të Punëve të Jashtme, Behgjet Pacolli.

Ai ka thënë që MPJ-ja nuk është dijeni për këtë angazhim të modelës Agnesa Vuthaj, mirëpo e vlerëson shumë vullnetin e shprehur per t’i shërbyer vendit.

”MPJ, aktivitetin e vet e zhvillon ne linje zyrtare, ndersa e vleresojme angazhimin e secilit qe jep kontributin e vet pozitiv ne kete drejtim. Sa i perket pyetjes tuaj, jo, nuk kemi qene ne dijeni per kete angazhim, pasi qe s’ka pasur koordinim me neve, perkunder faktit qe e vleresoj shume vullnetin e shprehur per t’i sherbyer vendit”, ka thënë Zyberaj për Insajderin.

Ndryshe, Magazina.al, ka raportuar gjatë ditës së djeshme për lidhjen e ish-miss Kosovës me milarderin indian Chetaan Sandesara, i cili ka bizneset e tij në Nigeri dhe disa vende të botës./Magazina.al/